 |  |  |  |  |  |  |
|---|
current events
L Circolo – Lia Mostra d’Ert de Urtijëi prejënta
dai 23.07.2021 ai 08.08.2021
i lëures dl artist Ulrich Egger.
L percors dla mostra tematisea l svilup dl turism, cun referimënt sun i cunflic y la mudazions che l porta cun sé.
Opres coche “Belvedere”, “Enteignung”, “Hotel” y “Aufstieg” mostra realteies che fej pensé do.
L artist se da ju cun l culegamënt danter forma, material, lerch y fotografia. La prospetives dl dedite y la fassades fej nascer n dialogh danter l dedite y l dedora. I lëures ie caraterisei da na atmosfera frëida y ncherscëula.
La Lia Mostra d’Ert prejënta "The Q Project"
“The Q Project" ie na grupa de mujiga nueva, che ie unida metuda su te Gherdëina tl 2020 coche hommage ala band de mujiga rock ngleija “Queen". La idea ti ie unida al bass-chitarist Tobias Dellago, n gran fan di Queen, che à teu su chësta scumenciadiva de na band che se da ju mé cun cianties de chësta grupa, do che l ie unit ora l film “Bohemian Rhapsody" y per l cumplì di cincant'ani de chësta grupa storica (nasciuda dl 1970 a Londra).
Arjënt pra l cuncors
EUROPEAN DESIGN AWARD
ala Gruppe Gut per la grafica dl liber “100 ani Circolo” L ann 2020 à la Lia Mostra d’Ert/Circolo festejà si 100 ani. Per chësc aniverser iel unì dat ora na publicazion, che uel mustré su la storia dla lia auzan ora i mumënc plu vives, plu particuleres y plu carateristichs de si vita. Sce l cuntenut dl liber, sentà sëura cun l aiut de deplù autëures, ma nce de truepa jënt che ie stata prutagonista de ativiteies y ntraunides, conta la storia dla lia, metuda adum da truepa de pitla y de gran stories, po’ à la grafica ulù vester n spiedl dla vivanda y dla autentizità de chësta stories, che ne se lascia suvënz nia repurté a paroles.
library opening hours
MON 20.00 – 23.00
TUE 16.00 – 19.00
WED 9.00 – 12.00 / 16.00 – 19.00
THU 16.00 - 19.00
FRI 9.00 - 12.00 / 16.00 - 19.00