• Circolo - Lia Mostra d'Ert

"Śën sënn" - Rut Bernardi

Updated: Jun 18



rut_bernardi_Pressetext Hapkemeyer lad_d
Download • 31KB





Ai Media ladins: mostra d’ert y letura leterera

de Rut Bernardi

śën – sënn“ / udëi – liejer – audì

Giaurida: Sada, ai 9 de nuvëmber dl 2019, dala 18.00

tla Lia Mostra d’Ert a Urtijëi

Mostra: dal 10. 11. 2019 nchin ai 24. 11. 2019

Orar de giaurida: uni di dala 10.00 nchin la 12.00 y dala 17.00 nchin la 19.00

Curadëur dla mostra y prejentazion: Andreas Hapkemeyer:

Na scritëura y poeta che mët ora tesć visuei, scric sun tëila, te na galeria d’ert.

L se trata de „śën sënn“, la mostra de Rut Bernardi che unirà giaurida ai 9 de nuvëmber dl 2019, dala 18.00 tla Lia Mostra d’Ert a Urtijëi te Gherdëina.

Cie uel pa perdrët dì tesć visuei? L ie „poejies per l uedl y la urëdla“, coche Rut Bernardi les tlama. Poejies che ie deplù che „mé“ cuntenuc o na storia.

Suënz ie Rut Bernardi nce sfurzeda de ti dé pea al letëur nia-ladin na traduzion dl cuntenut. I juesc de paroles tla poejies fej ora l sonn y l ritm che vën a lum canche n les aud lietes dant adaut. Perchël uniral ntan la giaurida dla mostra nce metù a jì na letura dl’autora.

Sonn y forma ie dut un: i tesć ie scric a na maniera che n vëij ora l „frabicat“ dla poejia. L vën a ce dì tan de pustoms y ciuni che na parola à. Tan avisa vëniel laurà tl’ert dla poejia.

La dimenscion visuela (mostra d’ert) y la dimenscion acustica (letura-performance) nes mostra tan diret y sot che Bernardi lëura cun si rujeneda ladina y coche la chier te si lëur la unità „verbo-voco-visuela“. Nscila ti dijova i poec brasilians Noigandres ti ani dl 1950 ala union danter cuntenut, sonn y cheder de si poejies. Bernardi se lieia a na maniera defin ndividuela ala poejies di ani dl 1960-70 y crieia te si ert na sort de juech esperimentel d’ al didancuei, auzan ora la particulariteies dl lingaz ladin.







© 2019 by Circolo - lia mostra d'ert

  • Facebook Clean

Antoniusplatz 102, 39046 St. Ulrich / Urtijëi (BZ)

tel. +39 377 5936350 / info@circolo.eu / StNr. 94025820211