• Circolo - Lia Mostra d'Ert

Dan murì, ulëssi …

Updated: Jun 17

Dan murì, ulëssi … Before I die, I’d like to …

23.04. ai 09.05.2015

Cie me mbinci pa y cie adrovi pa perdrët per vester cuntënt?

Tulëve doi menuc de dl’aurela, pensëde do y partide Vosc pensieres. Scrijëde vosc dejideresc sun la tofla sun la vetrina dedora dl self dla mostres dl zënter jëuni ert y cultura a Urtijëi dai 23.04. ai 09.05.2015. Chisc dejideresc y pensieres unirà documentei tres fotos y publichei sun facebook y sun la plata internet.

Chësta ie na azion che vën metuda a jì nia mé te Gherdëina dal Cunsëi de Furmazion Urtijëi n culaburazion cun la Lia Mostra d’Ert y la Nëus Jëuni Gherdëina, ma ënghe a livel provinziel, n ucajion di dis de educazion politica dai cunsëies de furmazion  cun  l fin de sensibilisé la jënt sibe jëuna che manco jëuna…. “cie ie pa perdrët mpurtant tla vita?” Chësc dëssa nes lascé pensé do, se urté tlo, baraté ora minonghes…..

Da ulà ie pa unida l’idea? L’idea ie unida dal’artista americana Candy Chang tl ann 2013 che vivova a New Orleans, do avëi perdù na persona che ëila ova gën, ala metù su n gran parëi sun na vedla cësa, cun la dumanda

“before I die, I’like to…” Uni persona pudova scrì su si pensieres, pernanche la tofla fova plëina ala fat fotografies y scancelà i pensieres a na maniera che autri pudove ënghe dé n cuntribut.

Chësc proiet  à abù suzes y ntant l an fat te 60 paejes cun 30 lingac desferënc. www.facebook.com/BeforeIDieWall

Chi possa pa tò pert? Duta la populazion, nteressei, manco nteressei y nia nteressei

Chi juda pa pea Per l cordinamënt: l Ufize provinziel de furmazion (Amt für Weiterbildung) Per l design: l’Università de Bulsan facultà design Per la manifestazion de giaurida: l Museion de Bulsan, che ie stata inier ai 20.04. Per purté ora l’azions: i 10 cunsëies de furmazion, istituzions sozieles, scoles, zëntri de jeuni,….


0 views

© 2019 by Circolo - lia mostra d'ert

  • Facebook Clean

Antoniusplatz 102, 39046 St. Ulrich / Urtijëi (BZ)

tel. +39 377 5936350 / info@circolo.eu / StNr. 94025820211