La mostra „Raish“ uel ti fé unёur ala artista y scritёura Veronica Zanoner, che chёst ann ai primes de dezёmber ёssa cumplì i cёnt ani. La se à destudà ai cater de agost 2022 te si cёsa a Bulsan. Veronica Zanoner ie stata una dla figures de majera mpurtanza tl muvimёnt de renasciuda culturela dla jёnt ladina da do la segonda viera inant. Ёila à sapù da dé n contribut de aut livel tl ciamp dla leteratura y nce tl’ert figurativa. Veronica Zanoner ie stata de gran senificat per l mantenimёnt y svilup dla ravises ladines sun chёles che ie flurida si ert. Scialdi cunesciuda y sciazeda fovela tla zità de Bulsan, ulache la à laurà ti ani ´50 nchina ´80 coche una dla prima cunlauradёures per i prugrams ladins „Radio
Ladina“ dla „Rai“ a Bulsan. De valor ie nce si dasvalifs articuli che la à scrit per „La Usc di Ladins“, monce nchin mo dan puec ani.
