current exhibition
Tla mostra “naturAnes” de Hermann Josef Runggaldier saral da udëi lëures che ie unic fac de lën y de bront n cumbinazion cun materiai coche ram y plexiglas. Leprò vëniel mo metù ora elemënc grafics che à da n fé cun l argumënt.
Coche l titul dla mostra “naturAnes" dà da ntënder, ie l’operes realisedes da Runggaldier nasciudes dala ispirazion ala formes che l abina tla natura. L se trata de de pitla cosses che ne dà nia tl uedl, realisedes dantaldut da nsec, che ncanta Runggaldier da truep ani incà. L artist les tol ora de si cundizions de esistënza y ti dà na vita nueva te n’autra dimenscion.
Sëuraprò saral da udëi scultures figuratives, da formes plates y da tòc, cun na cërta semianza a curëc fossilisei.
workshop
L Circolo – Lia Mostra d’Ert mët a jì, n curs de „Graffiti“ cun i artisc „Senka Semak“ y „Nemo’s“.
L curs vën metù a jì n sada 11 y n dumënia 12 de lugio y ie pensà per jëuni y jëunes nasciui/nasciudes dan l‘ ann 2005.
N possa se scrì ite nchin ai 9 de lugio, cherdan su l 377-5936350 o passan tla biblioteca d’ert dl Circolo da paië ite iel 50,00 €.“