Wanderausstellung
Architekturpreis Südtirol 2019
15.12.2019 - 05.01.2020
LAD
MOSTRA ITINERANTA
PEST DE ARCHITETURA SÜDTIROL 2019 (9. edizion)
Giaurida: Sada, 14.12.2019, dala 18.00
Tla sënta dla Lia Mostra d’Ert a Urtijëi
Dureda dla mostra: 15.12.2019 - 05.01.2020
Orares de giaurida: Me – Sa 10.00-12.00, 16.00-19.00, lunesc stlut
L pest de architetura de Südtirol che vën metù a jì uni ann dala Fundazion d‘Architetura de Südtirol, premieia y prejënta frabicac realisei te nosta Provinzia che se lascia udëi per si idea y costruzion coerënta. L se trata de opres garatedes fates cun tecnologies tradiziuneles o inuvatives che cunlieia l frabicat cun la cuntreda y i patrons dl frabicat cun la sozietà.
Per l pest d’architetura de Südtirol 2019 à na giuria nternaziunela crì ora 26 proiec y de chisc nen iel unì premià set tla categuries che vën do: frabicat publich, abitazions, frabicac per l lëur y l turism, lueges publiches y nfrastrutures, realisazion de ambienc interns, frabicac cun de vedla architetures, esport.
Duc i proiec che ie unì cric ora dala iuria vën mustrei te na mostra itineranta cun l cunzet di architec Flaim Prünster & Studio Mut. La mostra dà n cheder dl’architetura atuela te Südtirol, che se fej udëi nce sëura i cunfins de Südtirol ora. Nce tla sënta dla Lia Mostra d’Ert – Circolo puderàn amiré i miëur proiec dac ju, danter l auter nce l proiet per l ciulé dal vin nuef „Elena Walch“ dl architet de Urtijëi David Stuflesser, che ie unì premià tla categuria lëur y turism.
Pra la giaurida ai 14. 12. rujenerà l arch. Igor Comploj y l ambolt de Urtijëi Dr. Tobia Moroder. Curnisc mujichela: Ariel Trettel, Andreas Mayr Kondrak y Marion Moroder.
