“Degenere” - Degeneré (jì dojù)
La mostra “Degeneré” de Alexander Staffler reverda n cunzet dla contradizions che caraterisea nostra sozietà d’aldidancuei. I lёures metui ora respiedla n cuntrast che se tira tres tl ti jì do ala belёza te zech che al prim mumёnt pudёssa semiё grotesch. La ulentà de ulёi reprejenté n mond fantastich vёn dal’uservazion dla sozietà moderna che se mescёida for inò cun realiteies de nmaginazion. Nosc mond à deplù formes, ie n mescedoz de aspec, svac i ghёurdli de minonghes y formes. Staffler abina si ispirazion da chёsc mond plёn de cajins per criё na si ert ncajineda, da chёla che nasc n adum de alternatives y deformazions straurdineres. L cunzet de degenerazion vёn tramandà tres la rafigurazion de formes y linees che se cuntrastea, se barata ju y se trasfurmea, se mudan da n prim aspet uriginel te na cundizion piecia.
