• Circolo - Lia Mostra d'Ert

“gebrochene Zeitlichkeit”- Valeria Stuflesser

Die Vitrine des Vereins “gebrochene Zeitlichkeit” gestaltet von Valeria Stuflesser

La vetrina del Circolo “temporalità spezzata” curata da Valeria Stuflesser

la vedrina dl Circolo “tempuralità cherpeda”

“Pervia dla situazion straordinera ei fat na nstalazion cun scultures de ceira, bata y peza. La tematica ie chëla dla atualità dla biopolitica. Davia che l stato garantësc la vita, ie nosc corp cundiziunà dala forma dl stato y si regules. Manco che n respeteia chësta restrizions, manco mpurtanc devëntun tla sozietà. La biopolitica spiega coche l corp ie pruprietà dl stato, cun la forza de tenì a vita y lascé murì. Ei ulù fe la nstalazion a forma de strutura geometrica, che vën spruporziuneda da scultures de gran mosces de cëira che pëisa ju l fil cueciun ulache les ie tachedes su. La mosces ie per me n simbul dla morbosità dla vita y les ie cuncedes su a forma triangulera, per mustré su, che sceben che vivon tla democrazia, dal mpo vites plu mputrantes y manco mpurtantes. Nia che pëisa, ma che mplenësc mi strutura a forma de calënder, ie la pezes y la bata tacheda su sul medemo fil. Chësc dëssa mustré su che l ie chësta situazion de ezezion à pruvocà enc mo de autri problems, che ne cundiziunea nia la mort fisica, ma chëla psichica. Purtruep ne ti vëniel nia dat pëis a chisc problems, ma per pudei inò unì ora da chësta crisa, messon plucheauter sustenì l persunel de uni persona y chë do mi minonga ie per chësc fin l ert da stramp mpurtant.” Valeria Stuflesser

0 views0 comments