• Circolo - Lia Mostra d'Ert

"GEOMETRIES" de Raimund Nocker

Updated: Jun 18

Mostra/Ausstellung

"GEOMETRIES"

de Raimund Nocker

Giaurida: vënderdi ai 18 de nuvëmber 2016 dala 20.30 tla Sala dla Lia Mostra d’Ert a Urtijëi

19.11.2016 - 27.11.2016

me - sa: 16.00 - 19.00 du: 10.00 - 12.00 / 16.00 - 19.00


Ponc, risses y sperses. Chisc ie i trëi ngrediënc che ie da abiné ti chedri de Raimund Nocker. Les ie metudes cun prezijion una dlongia l’autra, crian na armunia de formes y culëures.

Ti dessënies de Raimund Nocker vëijen chedri y d’autra formes da ciantons, simbuli de dut chël che passa y che murirà n di o l auter. Ma n possa nce descuvrì cërtli, simbuli de dut chël che ie itiern. Formes turondes y chedres ie metudes una dlongia l’autra. Chël che à na fin ie tan daujin a chël che ne à deguna fin. L liam strënt danter chësta doi dimenscions vën a s’l dé canche n se dà ju te na maniera ntensiva cun l dessenië y depënjer, coche l fej Raimund Nocker.

Chësta ntensità possen nce sentì sce n ti cëla a si chedri. N toma ite te na tel sort de meditazion zënza fin. Iust te chël mumënt, canche n prova a se destaché dal mond y n ne pënsa a nia vëniel su plën de emozions. Chisc sentimënc prejënta Raimund Nocker a forma de ponc, risses, trianguli, chedri, cërtli y d’autra formes geometriches, fac cun biro, mplenian ora duta la plata y ne lascian belau plu deguna lerch blancia. A chësta tëma dala lerch blancia, dal uet, ti vëniel nce dit horror vacui. Y sce ti cialon giut a chësta plata mplenida, se sentions povester strënc ite da duta chësta mprescions y se mbincessans nce inò na plata blancia, ueta. Ti chedri de Raimund Nocker se lieia donca l uet y l plën, l vester y l nia.











0 views

© 2019 by Circolo - lia mostra d'ert

  • Facebook Clean

Antoniusplatz 102, 39046 St. Ulrich / Urtijëi (BZ)

tel. +39 377 5936350 / info@circolo.eu / StNr. 94025820211