• Circolo - Lia Mostra d'Ert

"Paradise lost" - Georg Erlacher

Updated: Jun 18








georg_erlacher_lad_deu_ita
.docx
Download DOCX • 26KB




Georg Erlacher

Paradise Lost – Paravis perdù

L fotograf Georg Erlacher mët ora tla sënta dla Lia Mostra d’Ert a Urtijëi si lëures nueves te na mostra ndividuela

Georg Erlacher ie cunesciù per si fotografies sentimenteles dla cuntreda, te chëles che n vëij dantaldut chedri dla vita da uni di y de chël che ie ntëur ël, te si luech La Pli de Mareo. L uedl dl artista se fërma pra mumënc dla vita da uni di, ma nce pra uties, lëns y tieres. Dantaldut i tieres à te chësta mostra na gran mpurtanza.

Erlacher à fat ora de si hobby, l’eves, l pont zentrel de si lëur. L fotograf y restauratëur, che à sëurantëut la pascion dl’eves da si pere, se dà ju da n valgun ani incà te na maniera ntensiva cun chësta tematica. Dlongiavia iel nasciù l’idea de ti dediché al’eves y a si vester na lingia de fotografies, reprejentan chisc nsec nteressanc che nes dà sënies lesieres n con‘ de na natura sana y ntiera. L popul dl‘eves ie na sort de super-organism; si tòc possa se desfé, julé dalonc un dal’auter y pona inò ruvé adum te na unità. L popul ie fat da 50.000 uniteies, ma mé una possa vester la regina, da chëla che depënd la dumanda esistenziela n con‘ de vita o mort de n stat ntier. La ndesfideda tla fotos de Erlacher ie chëla de destaché l‘eves da si cuntest da uni di y de les mustré te na maniera tlera zënza si ntëurvia. Per fé chësc svilupea Erlacher n sistem rafinà cun fotografies macroscopiches de nsec singuli ma nce de sanns de eves zënza nia dovia. Chësc garata tres n mecanism de scanisazion, tres chël che i nsec vën reprejentei te de gran pultredes tl positif o negatif. Fotografies ntressantes de eves y macrofotografies faszinëntes de corps, eles, giames y architetures de pelmes iel da amiré. Sce n ti cëla plu avisa pona ne se sënten nia tan bën; l balanz perfet ie desturbà. Mpede n busiamënt vif iel dantaldut da recunëscer corps de nsec morc y puec tieres che sëuravif. Georg Erlacher contra te si chedri te na maniera sentimentela la storia tragica te n paravis perdù.

La giaurida dla mostra ie ai 31 de mei 2019, dala 20.30 tla sënta dla Lia Mostra d’Ert – Circolo a Urtijëi. Paroles de ntroduzion sarà de Lisa Trockner, aministradëura dl Südtiroler Künstlerbund. La mostra ie davierta nchin ai 16 de juni 2019.

Georg Erlacher

*1969 nasciù a Bulsan

Viv y lëura a la Pli de Mareo

- Workshops

Rupert Larl Fotoforum West Dispruch,

Ann Mandelbaum,

Paolo Woods,

Elisabeth Wörndl Fotohof Salzburg

Jutta Benzenberg, Kurt Kaindl y Andrew Phelps

- Mostres coletives

2018 „Andernorts“ Kunstwerkraum Messnerhaus Mieming, butëighes tralascedes, Prëner

2017 „Le Bosch“ cun Claus Vittur Raum 3000 Variation, Burnech

2016 „Fiktion & Wirklichkeit“ Das Kino, Salzburg

2004 „Blick nach vorne - Blick zurück“ Fotoforum West, Dispruch

- Mostres ndividueles

2017 „LAOTA“ Kunstraum Mitterhofer Sanciana

2016 „Derevers“ Institut Micurá de Rü, S. Martin de Tor

2015 „Zurück“ Fotoforum West, Dispruch

2007 „Hinüber“ Buchladen am Rienztor, Burnech

- Publicazions

2015 „Zurück“, fat ite te lin, editëur Rupert Larl

- Ntervistes

2016 Franzmagazin






0 views

© 2019 by Circolo - lia mostra d'ert

  • Facebook Clean

Antoniusplatz 102, 39046 St. Ulrich / Urtijëi (BZ)

tel. +39 377 5936350 / info@circolo.eu / StNr. 94025820211