• Circolo - Lia Mostra d'Ert

Still Life - Christian Martinelli

Mostra

Still Life - Christian Martinelli

La Lia Mostra d’Ert y l Fotoclub Gherdëina à l plajëi de Ve nvië ala mostra “Still Life” dl fotograf de Maran Christian Martinelli, che cun si ultimi proiec se à fat n inuem a livel nternaziunel.

Giaurida: vendërdi,  14.06.2013 dala 20.30 tla Sala dla Lia Mostra d'Ert a Urtijëi.

Orar de giaurida:  dal 15.06.2013-30.06.2013 dala 10.00 – 12.00 & 16.30 – 19.00 + merdi & juebia dala 20.00 – 22.00

L ultim proiet de Christian Martinelli "Cube Stories" ie nasciù da na culaburazion cun si cumpani Andrea Pizzini y l ie unì perfeziunà tres l sustëni tecnich dl fotograf Andrea Salvà. L cubo, a chël che fej nce referimënt l titul, ne n ie nia auter che n aparat da fé fotos de grandiscima dimenscions che pervia de si spersa monolitica che spidlea l ntëurvia devënta uni iede che n l adrova na nstalazion poetica tla cuntreda.

La fotografies analogiches, de 1 meter per 1 meter, à na boniscima cualità y i sujets pultrei ju giapa a chësta moda n’aura speziela, n pue’ retrò y dl dut umana che tl mond steril dla foto digitela ne n’ie suvënz nia plu mesun abiné. Nfurmazions plu avisa sun chësc proiet giapen al’adres www.cubestories.com.

Pernanche Martinelli tol tla man l aparat da fé fotos contel la stories vivudes da si personajes che devënta sciche i fii ntercëi de na tëila ejistenziela.  

Tla mostra saral da udëi nce n valguna fotos de si ultim proiet, “Still life”, fates n pert te Gherdëina aposta per la mostra.

Workshop de fotografia analogica CUBE STORIES

La doi lies mët nce a jì n Workshop sun la fotografia analogica cun l artist Martinelli y cun l culaburadëur tecnich Andrea Salvà, ai 28 y 29 de juni dala 9 ala 18.

L workshop, pra chël che l unirà nce adurvà l cubo de inox de 2x2x2 metri cun chël che Martinelli fej la fotos, ie n'ucajion unica per i apasciunei de fotografia. Per nfurmazions sun l workshop o per se nuté su possen cherdé su l numer 335 5362876 o mandé na e-mail a kostner.m@rolmail.net.

0 views

© 2019 by Circolo - lia mostra d'ert

  • Facebook Clean

Antoniusplatz 102, 39046 St. Ulrich / Urtijëi (BZ)

tel. +39 377 5936350 / info@circolo.eu / StNr. 94025820211