On l plajëi de comuniché la giaurida dla mostra dla matura dla cuinta tlasses dl lizeum d’ert Cademia. La mostra sarà da udëi dal 03.05.2024 al 12.05.2024 tl Circolo – Lia Mostra d’Ert a Urtijëi, n post scialdi adatà per valorisé l’opres d’ert che vën metudes ora.
La tematica dla mostra "Fil Cueciun" ie unida crissa ora per ti pité na gran lerch ala sculées y ai sculeies per nterpretazions y reflescions defrëntes. L ie na metafora che descëida liams che va sot, stories nturtidledes y continuità tl tëmp, ma nce esperienzes y emozions persuneles. Uniuna y uniun à nterpretà chësta tematica a na maniera unica y individuela, cun opres che stimulea la mënt y l cuer de chi che ti cëla
Comments