• Circolo - Lia Mostra d'Ert

I artisc y la viera - Referat de Valentine Kostner

Referat I artisc y la viera Referat de Valentine Kostner 23.11.2015 - 20.30

La Lia Mostra d’Ert à nvià Valentine Kostner a tenì n referat n con’ dla storia dl’ert dan, ntan y do la Prima Gran Viera, descrijan te ce situazion ria che i artisc da tlo ma nce da oradecà fova. Muvimënc artistics che fova nasciui dan la viera ie te n iede unii suflei demez. Tl tëmp dan la viera fova i artisc liei danter ëi nce a livel nternaziunel. Tendënzes y ideies nueves univa riesc tëutes su y dates inant sun dut l mond. Ma te n iede à la Prima Gran Viera trat na rissa a chisc liams. Bele dan la viera fòvel na crisa ejistenziela y spirituela tla sozietà. L fanatism dan la viera fova sambën nce da sentì tl’ert. Dantaldut i futurisc, che fova tan per la forza y putënza, fova a una cun la viera. L univa nciarià moleri a reprejenté la viera te na maniera eroica. Chësta pitures univa publichedes tla zaites y nce te mostres. Ma la cossa se à pona mudà cun l scumenciamënt dla viera: l eroism se à trasfurmà te spavënt y nce truep artis? à messù murì. Do la viera à truep artisc lascià ora tl’ert l dann psicologich y morel che i ova te sé. L’ert ie n mesun per pudëi se delibré da duta la tëmes y dai sentimënc che fej patì. Truep artisc à fat purtrec de sé nstësc, che lascia udëi si delujions persuneles y si ferides. Dal’autra pert ulova truep artisc inò abiné l fonz dla realtà, se dajan ju cun l realism nuef.

© 2019 by Circolo - lia mostra d'ert

  • Facebook Clean

Antoniusplatz 102, 39046 St. Ulrich / Urtijëi (BZ)

tel. +39 377 5936350 / info@circolo.eu / StNr. 94025820211