VËN 04.01.13, ore 20.30 Uhr Senteda Generela dla Lia Mostra d’Ert La Lia Mostra d’Ert nvieia duc i cumëmbri y duc i nteressei (o bunderlëusc) ala senteda generela, n vënderdi ai 4 de jené 2013 dala 20:30 tla bibliotech d’ert dl Circolo a Urtijëi. Prejenteron nosta atività y l bilanz dl 2012 y la prupostes per l 2013. Duc puderà sambën purté ite si ideies, critighes y minoghes per cialé de miuré mo deplù la „miscion culturela“ dla lia. ...na viva cun duc i prejënc ne puderà sambën ënghe nia mancë! Per l ann nuef chirons nce persones dinamiches y criatives che ëssa ueia de zapé ite tl cunsëi dla lia. Es’a danter 0 y 99 ani? Ueia de lauré per debant y de avëi for stress? De avëi la s(t)ënta tl zënter dla capitela de Gherdëina? De te dé ju cun artis? y d’autra persones nteressantes? De mëter a jì uni sort de manifestazions cultureles (y ciuldì pa no nce manco cultureles)? De vester daviert te na valeda stluta? Po’ vië nce tu a fé pert dl cunsëi dla Lia Mostra d’Ert y/o nce dla redazion dl Puhin. Mé deberieda sons boni de crëscer! Per nfurmazions: info@circologardena.org o 333 687 02 83.
- Circolo - Lia Mostra d'Ert